بۆ به‌شداریی كردن له‌و خوله‌ جیهانیه‌دا كه‌ بڕیاره‌ جامی جیهانی ڤیڤا بۆ ئه‌و گه‌لانه‌ی رێكبخات كه‌ وڵاتی سه‌ربه‌خۆیان نیه‌ .
به‌پێی هه‌واڵێكی سایتی ئه‌زمڕ سپۆرت ئه‌مڕۆ یه‌ك شه‌ممه‌ 29/6/2008 هه‌ردوو هه‌ڵبژارده‌ی كوردستان له‌قڕۆكه‌خانه‌ی هه‌ولێره‌وه‌ به‌ره‌و شاری عه‌ممانی پایته‌ختی ئوردون به‌ڕێكه‌وتن تا له‌وێوه‌ به‌ره‌و شاری ستۆكهۆڵمی سوید به‌ڕێبكه‌ون .
سلێمان ره‌مه‌زان راهێنه‌ری هه‌ڵبژارده‌ی كوردستان رایگه‌یاند: هه‌ڵبژارده‌كه‌ زۆربه‌ی یاریزانه‌ به‌تواناكانی كوردستانی له‌خۆ نه‌گرتووه‌ بۆیه‌ هه‌ربه‌گه‌یشتنیان بۆ سوید كه‌مپێكی مه‌شق و راهێنانیان بۆ ده‌كه‌نه‌وه‌.
   جامی جیهانی ڤیڤا خولێكی جیهانی به‌دووساڵ جارێك بۆ ئه‌و گه‌لانه‌ رێكده‌خات كه‌ وڵاتی سه‌ربه‌خۆیان نیه‌ ، ئه‌مساڵ پێشبڕكێكه‌ له‌رۆژانی 7-13/7/2008له‌شاری بالیڤارێی سوید ده‌ستپێده‌كات  و هه‌ڵبژارده‌ی ( سریان و پادۆنیا له‌ئیتالیا و پرۆڤێنس له‌فه‌ره‌نسا و سامیلاند له‌سوید و كوردستان به‌شداریی تێدا ده‌كه‌ن ، یاری كردنه‌وه‌ی خوله‌كه‌ش به‌یاریه‌كی نێَوان هه‌ردوو هه‌ڵبژارده‌ی كوردستان و سامیلاند رۆژی  7/7/2008 ده‌ست پێده‌كات .