به‌دروشمی (گه‌لاوێژ سه‌كۆی هاوبه‌شی كلتوره‌ جیاوازه‌كانه‌) و  به‌چاودێری سه‌رۆك مام جه‌لال سه‌ركوماری عێراقی فیدراڵ، رۆژی پێنجشه‌ممه 20/11/2008، دوانزه‌یه‌مین فیستیڤاڵی گه‌لاوێژ ده‌ست به‌ چالاكییه‌كانی ده‌كات.
بریاره‌ له‌ فیستیڤاڵی گه‌لاوێژدا ژماره‌یه‌كی زۆر له‌ رۆشنبیران و نووسه‌رانی كورستانیانی رۆژهه‌ڵات و باشور و رۆژئاوا و عه‌ره‌ب و توركمان و فارس به‌شداری له‌ چالاكییه‌كانی ئه‌و فیستیڤاڵه‌دا بكه‌ن و تێیدا چه‌ندین كتێبی چیرۆك و لێكۆڵینه‌وهو شیعر‌ به‌زمانه‌كانی كوردی، عه‌ره‌بی و فارسی بڵاوده‌كرێته‌وه‌، له‌ فیستیڤاڵی ئه‌مساڵیشدا چیرۆكه‌كان ناخوێندرێنه‌وه‌، به‌ڵكو به‌چاپكراوی دابه‌شده‌كرێت و دواتر ره‌خنه‌گران گفتوگۆی له‌باره‌وه‌ ده‌كه‌ن.
له‌ یه‌كه‌م رۆژی فیستیڤاڵه‌كه‌شدا پێشانگایه‌كی گه‌وره‌ی كتێب كه‌ نزیكه‌ی 6000 ناونیشان به‌ زمانه‌كانی كوردی، عه‌ره‌بی و فارسی له‌خۆی ده‌گرێت و پێشانگایه‌كی فۆتۆ ده‌كرێته‌وه‌ و خه‌ڵاتی سه‌ركه‌وتوانیش هه‌روه‌كو پێشتر راگه‌یه‌نرابوو 3 ملیۆن دینار بۆ پله‌ی یه‌كه‌م و 2 ملیۆن دینار بۆ پله‌ی دووه‌م و 1 ملیۆن دینار بۆ پله‌ی سێیه‌م.